بعد طلاقي 1 حكايات صافي هاني

بنت بنتي

افتكرت الصورة اللي كانت شايلة فيها الطفلة

قلت بسرعة

يعني حفيدتك

هز راسه بحزن وقال

أيوه

لكن بعد الحادث اختفت

كانت عند أمها وقتها وبعد الوفاة أهل أمها سافروا بيها ومحدش عرف يوصل لهم

فضلت أدور عليها سنين

كل محافظة أروحها

كل ورقة أسأل عنها

كل واحد يقولي معلومة أجري وراها

وفي الآخر فقدت الأمل

سكت لحظة وبعدين بص لبنتي اللي كانت من الشباك بتجري في الجنينة

وقال

ولما شوفت بنتك أول مرة حسيت إن ربنا بعتك لسبب

مش عشان الفلوس

ولا عشان الإيجار

في حاجة كنت لازم أتأكد منها

قلت له وأنا بدأت أقلق

إيه هي

مد إيده جوه الملف وطلع صورة صغيرة جدًا

الصورة كانت لطفلة عندها حوالي سنة

ولما بصيت فيها اتجمدت مكاني

ملامح الطفلة كانت شبه بنتي بشكل يخض

نفس العينين

ونفس الابتسامة

ونفس الحسنة الصغيرة تحت الدقن

وقبل ما أتكلم قال عم محمود

في يوم دخلتي الشقة وقع منك ظرف

أنا مافتحتوش وقتها

لكن لما لقيت فيه صورة لبنتك وهي رضيعة اتصدمت

لأنها كانت نسخة من الصورة دي

ومن ساعتها وأنا بحاول أعرف الحقيقة من غير ما أظلم حد

وقبل ما أقدر أسأله أي سؤال سمعنا خبط شديد على الباب الخارجي للمخزن

وصوت الراجل اللي برة وهو بيقول بعصبية

يا عم محمود افتح حالًا

إحنا لقينا الورقة اللي كانت مستخبيّة

ولو اللي جوا الملف ده لسه موجود يبقى كل حاجة هتتغير.