خطيبي حكايات رومانى مكرم ١

خطيبي الناس كلها عارفة وشايفه انه محترم بس لقيته بيفتح معايا كلام مش كويسة وكل مرة اتعصب ونتخانق مع بعض وبعدين بدأ يجرأ انه يطلب مني اروح معها الشقة لوحدنا علشان الفرح بعد سنه وكدا كدا هنتجوز وبيقولي اني مش واثقة فيه وأنا برفض لم لقينى بصده ومش موافقه فسخ الخطوبه وقال عليا كلام مش كويس قدام اهلى لقيته جاي ياخد من والدي الشبكة بس الى حصل بعد كده خلى الكل يتصدم ويتجمد مكانهالبدايه⬇️الكل في منطقتنا كان بيحلف بأخلاق "طارق". المهندس الهادي، صاحب الابتسامة الموزونة، اللي صوته ميعلاش في الشارع، ومفيش فرض بيفوته في المسجد. لما اتقدم لي، أهلي حسوا إن طاقة القدر اتفتحت، وبابا قعد يقولي: "يا بنتي ده شاب شاريكي ومتربي، راجل ميتعوضش في الزمن ده". وأنا في البداية كنت شايفة نفسي محظوظة، وشايفة فيه فارس الأحلام اللي هيحافظ عليا ويصوني. لكن المظاهر دايماً خداعة، والوشوش الحقيقية مبتظهرش غير لما البيبان تتقفل. بعد قراية الفاتحة والخطوبة بشهرين تلاتة، بدأت النبرة تتغير. في شات الرسايل والمكالمات المتأخرة، حسيت إن طارق اللي الناس عارفاه في وادي، والشخص اللي بيكلمني في وادي تاني خالص. كان يبدأ الكلام بهزار مبطن، تلميحات مش مظبوطة، وكل شوية يزود العيار ويفتح مواضيع وأوصاف تكسف. في الأول كنت باخدها بإحراج وأحاول أغيّر الموضوع بذوق، بس هو فهم أدبي وسكوتي غلط. بدأ يتجرأ أكتر، ولما كنت أوقفه وأقوله: "عيب الكلام ده يا طارق، إحنا كتب كتابنا لسه عليه سنة"، كان يقلب الترابيزة ويتعصب ويقولي: "إنتي معقدة! إحنا مخطوبين وهنتجوز، إنتي مش طبيعية ولا فاهمة الحب إزاي!".الخناقات بينا زادت، وبقى كل أسبوع في مشكلة. وبدل ما يتراجع، بجاحته وصلت للقمة. في يوم كلمني وقالي إنه بيفرش الشقة ومحتاجني أروح معاه أتفرج على الألوان والديكور، ولما سألته مين هيكون معانا من أهلي أو أهله، رد ببرود: "لا، هنروح لوحدنا نقعد شوية براحتنا ونطلب غدا هناك، فيها إيه يعني؟ ما إحنا خلاص في حكم المتجوزين والكل عارف إننا لبعض!".رفضت بصوت حاسم ورعشة غضب في صوتي: "لوحدنا في شقة مقفولة لأ يا طارق، مش هتحصل، لو عايزني أجي يبقى معايا ماما أو أختك".هنا وشه التاني ظهر بكامل قبحه، صوته علي في السما وبدأ يبتزني نفسياً: "إنتي مش واثقة فيا؟ إنتي شيفاني ذئب؟ إنتي معندكيش أصل ولا بتفهمي في الأصول!".لما لقى صمودي وصدّي ليه مبيتكسرش، وشاف إني مستحيل أكون اللعبة السهلة اللي في دماغه، الخبث والمكر اشتغلوا عنده. فكر إنه لو فسخ الخطوبة هيتراجع قدام الناس ويبقى شكله وحش، فقرر يقلب الطاولة عليا ويطعن فيا في أعز ما أملك: سمعتي وأخلاقي. فجأة ومن غير أي مقدمات، لقيت بابا بيقولي إن طارق طالب يقابله في البيت ومعاه أبوه، وفي الصالون، سمعت صوته العالي وهو بيتكلم بكل وقاحة وتبجح:"يا عمي بنتك لسانها فالت وندّية! مش وش بيت ولا تصح تكون زوجة تفتح بيت وتربي عيال! عصبية ومبتسمعش الكلام وماشية بدماغها، وأنا جاي أقولك كلمة حق لوجه الله.. بنتك دي محتاجة تتربى من أول وجديد عشان متخربش بيوت تانية!".الكلام كان زي السكاكين بتدبح في شرفي وتربيتي قدام بابا وإخواتي الشباب. كان راسم دور المصدوم المجروح اللي استحمل كتير وفاض بيه الكيل. بابا من هول الصدمة وشه اصفر، وإخواتي عينيهم بقت بتطق شرار. سابوه قاعد في الصالة ودخلوا عليا الأوضة، لقوني منهارة من العياط والحرقة، مش من فراقه، لكن من كمية الفجر في الخصومة والكدب. بابا قال بصوت مخنوق ومكسور: "هاتي شبكته يا بنتي.. هاتي حاجته نرميها في وشه والحمد لله إن الحكاية خلصت بدري".مسحت دموعي بإيدي، واتولدت جوايا شرارة تانية خالص. بصيت لبابا وقولتله بحسم عمري ما اتكلمت بيه: "لا يا بابا.. الشبكة مش هتخرج من البيت ده في السر كأني أنا اللي غلطانة ووطيت راسي. هو مش شاطر يتكلم ويقول محتاجة أتربى؟ حقي وكرامتكم مش هيرجعوا غير قدام الكل. قولهم مفيش قعدة ولا تسليم شبكة إلا لما عيلته كلها تيجي، عمامه وعماته وخيلانه، يقعدوا مع عيلتنا هنا في الصالة دي، وياخدوا دهبهم على داير مليم".طارق افتكر إني بتهرب أو إني بذلّهم، فوافقوا على الفور وحددوا ميعاد بعد يومين عشان "المحاكمة" اللي متخيلين إني هدخلها برأس مكسورة ودموع وذل. جه اليوم الموعود، وصالة بيتنا كانت مليانة على آخرها. عيلته قاعدين بنفخة كدابة كأنهم أصحاب الحق، وعيلتي قاعدين بحرج وغيظ مكتوم مستنيين اللحظة تخلص. طارق كان قاعد حاطط رجل على رجل، عينه بتلمع بنظرة غرور وانتصار، مستني يشوفني مكسورة وداخلة أسلم علبة الدهب وأنا باصة في الأرض. فجأة، باب الأوضة اتفتح. مخرجتش بعياط، ولا بوش باهت، ولا حتى بهدوم عادية. خرجت وأنا لابسة أجمل فستان عندي، متزوقة ومتشيكة ع الآخر، راسي مرفوعة لسابع سما، وابتسامة عريضة هادية مرسومة على وشي خلت كل الهمهمات في الأوضة تسكت فجأة. العيون كلها اتسمرت عليا، الذهول جمّد الكل مكانه، وطارق عينه وسعت ونظرته المتبجحة اتحولت لدهشة مش مفهومة.#الكاتب_رومانى_مكرم مشيت بخطوات واثقة وسط الصمت التام، وقفت في نص الصالة قدام العيلتين، ثبت عيني في عينه وأنا لسه ببتسم، وقولت بصوت واضح وقوي رن في أركان البيت:"أهلاً بيكم كلكم.. نورتونا.. أنا جمعتكم كلكم النهاردة مش عشان أسلم الدهب وأمشي.. أنا جمعتكم علشان تعرفوا الحقيقة."يا ترى هيحصل إيه لما المستور ينكشف والوش الحقيقي يقع قدام العيلتين؟ مسكت تليفوني بثبات يوجع، صباعي كان بيترعش من كتر الضغط بس الابتسامة على وشي ما تهزتش. الصالة كلها كانت ساكتة، صمت يخنق، صمت المستني الضحية تنكسر وتبارك الظلم. طارق تحول وشه من الذهول لغضب مكتوم، حط إيده في جيبه وقام وقف بنفخة كدابة وقال بصوت عالي يحاول يداري بيه توتره: "تسليم إيه وحقيقة إيه اللي جاية تتكلمي عنها؟ عمي، أظن الكلام خلص، خلي بنتك تسلم الذهب من غير دراما وملاوعات مالهاش لازمة، إحنا ناس بنعرف الأصول ومستغنيين!"ابتسمت ببرود، وبصيت لكبار العيلتين، لعمامه اللي قاعدين بصدر مفتوح ولأبوه اللي كان يبص لبابا بنظرة استعلاء، وقولت بصوت حاد رن في كل ركن: "الأصول؟ حلوة كلمة الأصول دي يا طارق.. بس يا خسارة، الأصول مبتتحكى في قعدات الرجال، الأصول بتتفهم وتتطبق في الستر والتقوى. وبما إنك جيت لحد بيتي وطعنت في تربيتي وسمعتي قدام أهلي وناسي، يبقى الأصول بتقول إن المستور ينكشف بالصوت والصورة قدام الكل."فتحت شاشة التليفون ودست على تسجيلات الواتساب، ووصلت الموبايل بسماعة "بلوتوث" صغيرة كنت مجهزاه في إيدي. في ثواني، خرج صوت طارق من السماعة، نقي وواضح ومفيش فيه أي مجال للشك:(يا بنتي إنتي معقدة ليه؟ إحنا خلاص هنكتب الكتاب بعد سنة، هنروح الشقة لوحدنا نقعد شوية براحتنا ونطلب غدا، فيها إيه يعني؟ ما إحنا في حكم المتجوزين والكل عارف إننا لبعض! بلاش دماغك الناشفة دي وإلا هفشكل كل حاجة وأخلي الكل يقول عليكِ مابتفهميش! )الصدمة كانت زي الصاعقة ونزلت على الصالة. عمام طارق وباباه عينيهم وسعت، الابتسامة المتبجحة اللي كانت على وش طارق اختفت تماماً ووشه باخ وبقى لون الورق الميت. قبل ما حد يستوعب، دوست على تسجيل تاني وصوته طالع بالتهديد والتلميحات القذرة، وبدأ يذيع كل كلمة حاول يقل فيها أدبه، وتلميحاته اللي كان بيطلب فيها حاجات مش من حقه، ولما كنت بصده، كان صوته في التسجيل يعلى ويشتم ويقول: (أنا هعرف إزاي أربيكي وأكسر مناخيرك دي قدام أهلك! )مش بس التسجيلات، رفعت الشاشة وبدأت أقرأ الرسايل المكتوبة بالتواريخ والساعات، رسايل شات أثبتت بالدليل القاطع إنه هو اللي كان بيساومني بين شرفي وكرامتي وبين إنه يكمل الخطوبة، وإن الطعن اللي طعنه فييا قدام بابا لم يكن إلا حيلة قذرة ورخيصة انتقاماً لرفضي إنه يستفرد بيا في الشقة!الهدوء اللي كان في الصالة تحول لبركان بيغلي. أبوه كانت عينيه مبرقة ومش قادر يرفع راسه، وعمامه بيبصوا لبعض بقلة حيلة وخزي. وبابا، اللي كان قاعد ومكسور النفس، راسه اترفت لفوق، وعينيه لمعت بنظرة كبرياء وفخر هزت الصالة. طارق اندفع في نوبة جنان وارتباك، جرى عليا عشان يسحب التليفون من إيدي وهو بيصرخ بصوت هيستيري: "قليلة الأدب! بتسجليلي؟ دي رسايل مفبركة! أنتِ وحدة خائنة ومتربيتيش!"وقبل ما إيده تلمس طرف فستاني، كان أخويا الكبير "أحمد" زي الأسد الجريح، مسكه من رقبة قميصه بضربة خطفت أنفاس الكل، وزقه لورا وقعه على الترابيزة الرخام. الترابيزة اتكسرت نصين، وطارق صرخ من الوجع، بس أحمد ومحمود أخويا التاني ما أدوهاش فرصة يتنفس. محمود نزل فيه بالبوكس على وشه وهو بيصرخ فيه: "أنت بتشتم أختنا في بيتنا يا زبالة؟ جاي تتبلى عليها وتطعن في شرفنا يا واد يا منافق؟"الصالة تحولت لملحمة، ضرب وضرب من إخواتي اللي كان غيظهم ودمهم المكتوم بيطلع في كل قبضة. طارق كان بيترجى وبيصرخ وشه اتملى دم، وشعره اتبهدل، وعمامه وباباه قاموا يجرو يحجزوا، بس إخواتي كانوا زي الفصائل المفترسة، نازلين فيه ضرب وإهانة قدام أهله كلهم، وعمامه نفسهم من كتر الخزي والكسفة كانت محاولاتهم ضعيفة، لأنهم شافوا وسمعوا حقيقة ابنهم اللي كانوا حاطين راسهم بيه في السما. بابا وقف بثبات، صوته المرة دي كان زي الرعد، ضرب بعصايته على الأرض وقال لإخواتي: "بس يا ولد منك له! سيبوا الكلب ده يتنفس عشان يسمع كلمتي الأخيرة!"إخواتي بعدوا عنه بالعافية، وطارق كان واقع على الأرض بيمسح الدم من مناخيره وشفايفه، بيترعش ومنهار من الخوف والإهانة، كل الغرور والتبجح اللي دخل بيه اتعجن تحت جزمتنا. مسكت علبة الدهب والشبكة من على الترابيزة، وبصيت لأبوه ولعمامه وقولت بكل شموخ: "الدهب ده؟ الدهب ده مش حقه، ولا يدخل جيبه دهب ولا قرش صاغ من بيتنا! الدهب ده تعويض عن كلامه القذر وطعنه في كرامتنا قدام الناس، والدهب ده يغور في 60 داهية مش عايزينه بس مش هيدخل جيبه تاني، كفاية إنه طلع من بيتنا بلبسه المتقطع ووشه المدمي!"بابا بص لأبو طارق وقال بصوت يهد الجبال: "سمعتوا بنفسكم ابنكم المحترم اللي كنتم فاكرينه مفيش منه اثنين؟ ابنكم اللي جايبينه يتبلى على بنتي الشريفة العفيفة؟ الذهب ده مش هيشوفه، ومفيش راجل فيكم يجرؤ يفتح بقه بكلمة! اخرجوا برة بيتي برجلين مكسورة ورؤوس متوطية في الطين، ولو شفت شكل واحد فيكم في شارعنا ولا سمعت نفس من ابنكم على بنتي تاني، قسمًا بالله هيكون آخره الترب! "عمام طارق أبدو الخجل الشديد، واحد منهم بص لأبوه وقال: "يلا بينا يا أخي.. مالناش عين نرد ولا نتكلم، ابنك وكسنا وجاب لنا العار!"قام أبوه يشيل طارق من على الأرض وهو مش قادر يبص في عين بابا ولا عين إخواتي. طارق كان بيتكركر ورجليه مش شايلاه، وشه متورم وعينيه مقفولة من الضرب، يمتلىء بذل وعار عمره ما هيتنسى. وخرجوا كلهم من البيت يجروا أذيال الخيبة والفضيعة قدام منطقة بحالها كانت واقفة تحت البيت مستنية تشوف إيه اللي بيحصل بعد الصوت العالي اللي كان طالع من الصالة. قفلت الباب وراهم، ورجعت بصيت لبابا وإخواتي، وحسيت بنصر وراحة هزت قلبي من جوه. بابا جرى عليا وحضنني بكل قوته وهو بيبكي ويهتف: "سامحيني يا بنتي.. رفعتي راسي وراس عيلتك كلها، الحمد لله إن ربنا كشفه قبل ما يتقفل عليكِ باب واحد!"