ورقة دمار 2حكايات صافي هاني
شريف وقف مكانه مذهول، مش قادر ينطق ولا يصدق إن الست اللي كان مستهون بيها هي اللي دبرت له كل ده. وفي ثواني، الباب خبط خبطات قوية وسريعة هزت أركان الشقة.
بصلي وعينيه فيها رجاء مرعوب، وقال بصوت متقطع: “ضحى.. مش هيهون عليكي أبو عيالك.. اعملي أي حاجة، كلمي المحامي بتاعك يتنازل!”
رجعت خطوة لورا بكل برود وقلت له: “اللي هان عليه ولاده وبيتهم، ملوش مكان هنا. وأنا المحامية اللي كنت بتوقع على ورقها وأنت مغمي عينيك ومفكرني غبية.. القانون لا يحمي المغفلين يا شريف بيه.”
فتحت الباب، ودخلت قوة من مباحث الأموال العامة ومعاهم أمر القبض والإحضار. ملك صحيت على الصوت وخرجت تجري وهي خايفة، أخدتها في حضني وداريت وشها في كتفي عشان ماتشوفش المنظر، وبقيت أطبطب عليها وأنا بهمس لها: “خلاص يا قلب ماما.. كل حاجة انتهت.”
شريف وهو خارج والكلبشات في إيديه، لف وبصلي بمرارة وكأنه لسه بيفوق من كابوس، وأنا واقفة في نص الصالة، ساندة بطني بإيد، وبإيدي التانية حاضنة بنتي، وببص له بنظرة نصر وثبات مفيهاش نقطة تراجع واحدة.
الباب اتقفل وراهم، والمكان هدي تماماً. بصيت لملك وقلت لها والدموع أخيراً نزلت من عيني، بس المرة دي كانت دموع راحة وأمل: “يلا يا حبيبتي نكمل نومتنا.. بكره الصبح يوم جديد، وأحسن بكتير من كل اللي فات.”عدى شهر على الليلة دي. شهر بحاله وشريف ورا القضبان، بيحاول بكل الطرق وبكل المحامين اللي يعرفهم يلاقي ثغرة واحدة في القض..ية اللي لبستهاله، بس الورق كان متقفل ومتربط بذكاء محامية مسبتش وراها الهوا.
الشركات بتاعته كلها صفت أعمالها، والفيلا والعربيات والحسابات البنكية اتحجز عليها لصالح التعويضات والمستحقات اللي أثبتها في المحكمة، يعني طلع من المولد بلا حمص. أما الست السنيورة اللي كان بيلبسها الألماظ، فبمجرد ما شافت البوكس واقف قدام المول، فكت العقد وركبت أول تاكسي واختفت، ومظهرتش في النيابة حتى كشاهدة.
في صباح يوم جديد، كنت قاعدة في مكتب المحاماة الجديد بتاعي، المكتب اللي فتحته بفلوس تعويضي وشقايا اللي رجعته. الشمس كانت داخلة من الشباك منورة المكان، وصوت ضحك ملك وهي بتلعب بالدبدوب الأزرق—اللي اشتريتهولها تاني يوم الصبح علطول—كان مالي الأوضة بهجة.
دخل عليا الأستاذ فريد وهو شايل في إيده دوسيه أخضر، وعلى وشه ابتسامة واسعة:
