عمي حكايات زهره الربيع 3
وطلع منها مفتاح صغير جدًا. جابر أول ما شاف المفتاح وقال: “مستحيل… هو لسه محتفظ بيه؟” الراجل بص له وقال: “محمود طلب مني أحافظ عليه لحد ما بنته تكبر.” أنا قربت خطوة وقلت: “أنا بنته… اديني المفتاح.” الراجل بصلي طويلًا، وبعدها حطه في إيدي وقال: “أبوك كان متأكد إن اليوم ده هييجي.” سألت: “أي يوم؟” قال: “اليوم اللي هتعرفي فيه إن موت أبوكي ماكانش حادث.” أمي شهقت، وخالي قبض إيده بعصبية وقال: “قول الحقيقة كلها.
” الراجل قعد، وبدأ يحكي: “قبل وفاة محمود بشهور، كان شاكك إن أخوه عبد الصمد بيستخدم محل الجزارة في حاجة غير قانونية. محمود ماكانش مصدق في البداية، لكنه بدأ يلاحظ حاجات غريبة. عربيات بتدخل المحل بالليل، وأكياس بتخرج من باب خلفي، وناس غريبة بتجيله من محافظات مختلفة. وفي مرة، محمود دخل المخزن من غير ما عبد الصمد يعرف، وشاف دفتر فيه أسماء وأرقام وتواريخ.” الضابط سأله: “الدفتر اللي لقيناه؟” الراجل هز راسه: “لأ… الدفتر اللي لقينتوه كان نسخة. الأصل لسه موجود.” خالي سأله بسرعة: “فين؟” الراجل قال: “في المكان اللي محمود خبّاه فيه.” سألته: “طب ليه كان بيدينا اللحمة كل أسبوع؟” الراجل سكت لحظة وقال: “عشان كان بيستخدمكم كغطاء.”
أمي شهقت: “غطاء لإيه؟” قال: “كان عايز يثبت إن اللحمة بتدخل بيت عيلة محمود بشكل طبيعي، عشان لو حد سأله عن مصدرها يقول إنها صدقة لأخوه وأولاده. لكن الحقيقة كانت أسوأ.” الضابط سأله: “إنت بتقول إن اللحوم اللي كانت بتوصل لهم كانت جزء من نشاط الشبكة؟” الرجل هز راسه وقال: “أيوه… لكن لازم نصحح حاجة مهمة.” ساد الصمت. قال: “التحاليل اللي قالها خالكم عن إنها لحوم بشرية… الكلام ده مش دقيق.” أنا بصيت لخالي بصدمة، وخالي نفسه اتجمد مكانه. الضابط قال بعصبية: “إنت متأكد من كلامك؟” الرجل رد: “أنا شفت التقارير الأصلية. العينة كانت ملوثة بمواد غريبة، والتحليل الأولي اتفسر غلط بسبب التلوث. لكن ده مش معناه إن عبد الصمد بريء.” أمي حطت إيدها على رأسها وقالت: “يعني إحنا ماكناش بناكل لحم بشر؟” الراجل قال: “لا… لكن اللي كنتوا بتاكلوه كان جزء من تانية.”
الضابط قرب منه: “إيه الجريمة؟” الراجل فتح الحقيبة وطلع صور. كانت صور لمخازن كبيرة، وثلاجات، وعربيات نقل، وأكياس عليها أرقام بدل الأسماء. قال: “كانوا بيغيروا مصدر اللحوم، ويخلطوا أنواع لحوم رديئة وغير صالحة للاستهلاك مع لحوم سليمة، وبعدها يبيعوها بأسعار غالية على إنها لحوم مستوردة. لكن في نفس الوقت كانوا بيستخدموا بيانات أشخاص مفقودين لتغطية حركة الشحنات.” خالي قال: “يعني أرقام الضحايا كانت بتستخدم بدل أرقام الشحنات؟”
