زياره صاحبتي ٢
ما بقاش الموضوع مجرد طلاق وطالبة بحقوقي، الموضوع بقى سباق مع الزمن عشان أحمي نفسي وأحمي أهلي من أي تبعات مالية أو قانونية ممكن أحمد يجرنا ليها بسبب التزاماته المالية أو الأوراق اللي وقع عليها، أو البلاغات اللي هتترفع عليه من الشركة.
أول خطوة عملتها، طلبت من المحامي يعمل الإجراءات القانونية اللازمة لحفظ حقوقي في الشقة والمنقولات، ونقدم طلب رسمي بالطلاق للضرر مع إرفاق المستندات المتاحة وشهادة الفندق وإقرار العيلة بالواقعة. المحامي تحرك فورًا وبدأ الإجراءات الرسمية. على العصر، اتفاجأت بوالد أحمد بيكلم أبويا وبيطلب يجوا البيت عندنا، هو وحماتي وأخته.
أبويا وافق، وقعدنا مستنيينهم. دخل حمايا بيتنا ووشه أصفر ومكسور، وحماتي كانت بتعيط وبتحاول تتمالك نفسها. قعدوا في الصالون، وحمايا بدأ الكلام ونبرة صوته فيها حسرة ملهاش آخر: — يا أبو ياسمين… إحنا جايين ونفسنا في الأرض.
اللي أحمد عمله ده خزي علينا قبل ما يكون ظلــ,,ـــــم لياسمين. بس الموضوع كبر أوي يا جماعة… أحمد اتقبــ,,ـــــض عليه من ساعتين! أمي شهقت، وأبويا اتعدل في قعدته وبص له بجمود: — اتقبــ,,ـــــض عليه في إيه؟
حماتي ردت وهي بتبكي: — ميرنا راحت عملت فيه بلاغ بالتزامات مالية كبيرة كانت معاه، وفي نفس الوقت الشؤون القانونية بتوع الشركة بلغوا عنه واقتادوه من مكان كان قاعد فيه بيحاول يستسمحهم! أحمد في القسم دلوقتي يا ياسمين، وبيطلب مساعدتك ومساعدة أبوه عشان نعرف نتصرف قانونيًا!
بصيت لحماتي بهدوء ورباطة جأش وقلت لها: — يطلب مساعدتي أنا؟ بعد سبع سنين من الخداع، وبعد ما كان عامل حساب شبكة الواي فاي باسم “مراتي وبس”؟ يطلب مني المساعدة بعد كل اللي حصل؟ حمايا حط إيده على ركبته وقال: — يا بنتي أنا مش ببرر له، أحمد دخل في مشاكل كبيرة ومستقبله اتأثر، وأنا مستعد أبيع أراضي وممتلكات وأسدد للشركة وأحل موضوع ميرنا ده… بس هو طالب يشوفك كلمة واحدة في القسم قبل ما يتم تحويله للجهات المختصة.
بيقول إن عنده سر مهم لازم يقولهولك أنتِ بالذات، سر يخص بيتك وحياتك أنتِ! الكلام وقع عليا كأنه صدمة… سر إيه اللي ممكن يكون عند أحمد ويخصني أنا بالذات؟ هل في حاجة تانية أنا ما أعرفهاش؟ هل اللي حصل كان مجرد بداية لحاجة أكبر؟
