حماتي ضربتني
بدأ الحاج عبد العظيم الحديث بصوت قوي: “إحنا جينا عشان أختنا فوزية اللي اتدانت واتهانت، وعشان ولدنا حسام اللي نسى طاعة أمه وجاب أمه لحد بيتنا تصيح وتبكي وتقول ولد طردني!”
رد خالها الحاج فاروق بكل هدوء ورزانة: “أنعم وأكرم بيك وبأهلك يا حاج عبد العظيم.. بس الأصول بتقول إن اللي يسمع من طرف واحد يبطل حُكمه. إحنا نساءنا ما بيتبلوش، وبناتنا متربيات في بيوت عز، واللي حصل بين حسام وأمه وزوجته كلام يتقال بالحق والشهود، مش بالكلام المسموم.”
انتفض الحاج عبد العظيم: “أختي فوزية مش هتتبلى على ولدها! الولد مطيع طول عمره، ومن يوم ما دخلت الشقة دي رجله، وأمه مضروبة في كرامتها ومطرودة من الشقة إيجار!”
هنا، لم تنتظر أمي الحاجة سناء كي يتكلم أحد نيابة عنها. وقفت بكل طولها وقارها، وقالت بصوت قوي هز الصالة: “يا حاج عبد العظيم.. أنت راجل كبير وعارف الشرع والأصول. أختك الحاجة فوزية جات بيت بنتي وبنتك ودخلت معاها بنت أختها شيماء بالشنط من غير إذن صاحب البيت، وجاية بهدف واحد: تطفش بنتي وتهد بيتها وتفرض شيماء مكانها! وابنك حسام -اللي واقف قدامك ده- لما رفض إن بيته يتهد، وقام بواجب أمه واعتذر لها وروحها بيتها معززة مكرمة، قامت أختك واستغلت طيابتكم وصورتهالكم إنه طردها!”
التفت الحاج عبد العظيم إلى حسام بنظرة حادة: “تكلم يا حسام! الكلام ده حصل؟ أمك جات هنا ومعاها شيماء وكانت عايزه تقعد غصب؟ وأنت اللي روّحتها ولا طردتها؟”
وقف حسام، ولأول مرة في حياته، كان يتحدث بكل صدق وبدون خوف من أحد. نظر إلى عمّه وقال بصوت ثابت: “يا عمي عبد العظيم.. أمي على رأسي من فوق، بس اللي حصل إن أمي وشيماء جوم عشان يضغطوا على ندى ويطفشوها من الشقة. أنا ما طردتش أمي، أنا أخدت الشنط وركبتها عربيتي ووصلتها لحد باب شقتها وبست إيدها.. ندى ما غلطتش في حق أمي، وأمي هي اللي مش قادرة تتقبل إن ليا بيت وحياة مستقلة!”
وقع الكلام على أعمام حسام. صمت الحاج عبد العظيم طويلاً، مسح على لحيته، ثم التفت إلى الحاجة سناء وقال: “والضرب اللي حصل زمان يا حاجة سناء؟ أختي جالت إنك ضربتيها!”
ردت أمي بمنتهى الصراحة والشموخ: “أختك ضربت بنتي الأول في بيتها وهانت أبوها المرحوم، ولما جيت أتكلم معاها بالتي هي أحسن، اتهجمت عليا.. وأنا ست ولد بلد، اللي يمد إيده عليا وعلى بنتي باخد حقي في ساعتها، وما بنكرش ده! بس أختك جات لحد بيتي وتأسفت وصفينا القلوب، والنهاردة جاية تقومكم علينا!”
