أخت جوزي حكايات روماني مكرم ٢
محمود بصلي بعيون مليانة امتنان وحب عميق، وشد على إيدي وقال بصوت دافئ:
بفضلك إنتي يا نجلاء.. إنتي اللي استحملتي معايا كل المرار ده، وعمرك ما باعتيني ولا كسرتيني، واليوم ده جه عشان يثبت للكل إن الكرامة أغلى من أي فلوس وأي مظاهر كدابة.
تاني يوم الصبح بدري، قبل ما الشمس تطلع كويس، لقينا خبطة على الباب.. فتحت لقيت ريهام وحماتي واقفين، وراهم عيلة العريس وبعض الأقارب اللي جم معاه! ريهام كانت ماسكة دموعها بالعافية، وبصتلي أنا ومحمود اللي قاعد على عكازينه، وقبل ما أي حد ينطق، ريهام وطت على إيدي وبأدب مكسور قالت:
حقك عليا يا نجلاء.. أنا آسفة على كل كلمة قلتها وجرحتك بيها، وآسفة إني هنتك إنتي وولادك.. أرجوكِ سامحيني عشان نقدر نكمل الفرح وتبقي معانا مش برانا.
حماتي بصتلي وقالت بصوت مكسور:
حقك علينا كلنا يا بنتي.. احنا اللي غلطنا، وربنا جاب حقك لحد عندك.
محمود بص لأخته وأمه وقال بنبرة قوية:
أنا سامحتكم عشان ربنا وعشان فرحك يتم يا ريهام، بس تفتكري دايماً إن كرامة مراتي وعيالي هي خط أحمر ما ينفعش أي حد يقرب منه تاني.
الناس اللي جم مع ريهام كانوا مستغربين ومندهشين من الوضع، بس الكل حس إن فيه حق رجع لأصحابه. وبعدها بيومين، اتكتبت العقود الرسمية في الشهر العقاري، ورجعت العمارة والشقة وكل الأملاك لم محمود بشكل قانوني سليم، وبقت أمي وحماتي مجبرة تحترم وجودنا ومكانتنا في البيت.
جه يوم الفرح الموعود.. ودخلنا القاعة أنا ومحمود وعيالي، ولأول مرة مش قاعدين في ركن منكسرين، لا.. كنا قاعدين على رأس الترابيزة، وكل الناس بتبصلنا باحترام وتقدير، وريهام كانت بتسلم عليّ وعينها في الأرض من الكسوف والحياء، وعرفت إن الكرامة هي أقوى سلاح ممكن يملكه الإنسان في الدنيا دي.
لكن.. قبل الفرح ما يخلص بساعة، وأنا قاعدة جنب محمود في القاعة، تليفوني رن برقم غريب تاني.. رديت، ولقيت صوت ست بتقولي بنبرة مرعبة ومفاجأة:
إنتي نجلاء مرات محمود؟ الحقي تعالي بسرعة على المستشفى.. خالك عبد الرحمن عمل حادثة غريبة وهو راجع، والحالة خطيرة جداً!
الجزء الخامس والأخير (النهاية)
الكلمة نزلت على ودني زي الصاعقة.. حسيت إن القاعة بكل زحمتها والناس اللي فيها اختفت من قدامي، والتليفون وقع من إيدي على الكرسي. محمود لاحظ انهاردي المفاجئ ووشي اللي اصفرّ في ثانية، فمسك إيدي بقلق وقال بصوت عالي وسط زحمة الموسيقى:
