الشباك مش بتاعى

المكان اللي يناسبك.
وقبل ما يرد، قفلت المكالمة.
حطيت الموبايل على المكتب.
لكن بدل ما أرجع لشغلي، فضلت أبص للشاشة.
الموضوع مش طبيعي.
أبدًا.
لو كانت حاډثة فعلًا، كان الطبيعي إن إدارة الكومبوند تتصل بيا وتقول حصل حاډث، ونشوف المسؤول مين.
لكن إنهم يتصلوا بيا من أول دقيقة ويقولوا
إنتِ هتدفعي تسعة مليون.
وبعدين واحد غريب يهددني بالحبس…
يبقى الموضوع أكبر من مجرد شباك وقع.
فتحت سجل المكالمات.
ولحسن حظي…
كان تسجيل المكالمات شغال.
كل كلمة اتقالت كانت متسجلة.
حفظت التسجيل في أكتر من مكان.
وبعدين اتصلت بصاحبتي ندى.
ندى كانت محامية.
ومش أي محامية.
كانت متخصصة في القضايا الجنائية والاقتصادية، ومعروفة إنها ما بتسيبش تفصيلة صغيرة تعدي.
أول ما ردت، قلت
ندى، محتاجة أشوفك.
في إيه؟
عندي قضية تسعة مليون جنيه.
سكتت لحظة.
إنتِ بتتكلمي جد؟
جدًا.
حكيت لها اللي حصل.
في البداية ضحكت.
لكن لما قلت لها إن الشقة أصلًا مفيهاش شبابيك، صوتها اتغير.
استني.
إنتِ بتقولي إن الشقة مفيهاش شبابيك؟
أيوه.
يعني حتى إطارات الشبابيك مش موجودة؟
ولا إطار واحد.
سكتت.
وبعدين قالت
مريم، متتحركيش خطوة واحدة قبل ما أوصل.
ابعتيلي تسجيل المكالمة.
وصوري لي كل أوراق الشقة والعقد ومحضر الاستلام.

ولو عندك أي صور قديمة للشقة وهي على الطوب، ابعتيها لي.
قلت
حاضر.
وبعدين سألتها
إنتِ شايفة إيه؟
ردت بعد لحظة
شايفة إن فيه حد بيحاول يحط حاډثة متعمدة فوق دماغك.
ولازم نعرف مين.
قفلت المكالمة.
وفي نفس اللحظة، جالي إشعار على موبايلي.
رسالة من رقم مجهول.
فتحتها.
كانت عبارة عن صورة.
صورة للعربيات اللي اتكسرت قدام العمارة.
تمن عربيات فارهة مصطفين تحت المبنى.
والزجاج محطم في كل مكان.
وفي منتصف الصورة…
كان فيه شباك ضخم واقع على الأرض.
قربت الصورة.
وبصيت للشباك.
وبعدين كبرت الصورة أكتر.
وفجأة…
اتجمدت مكاني.
لأن على طرف إطار الشباك كان فيه شيء واضح جدًا.
شيء أنا متأكدة مية في المية إنه…
مستحيل يكون موجود في شقتي.
الجزء الثاني الشباك مش بتاعي
فضلت ماسكة الموبايل وببص للصورة.
في الأول افتكرت إني يمكن شايفة حاجة غلط.
كبرت الصورة مرة تانية.
وبعدين مرة تالتة.
إطار الشباك كان متكسر، والزجاج متناثر حوالينه، لكن في الجزء السفلي من الإطار كان فيه شريط معدني صغير.
شريط لونه فضي.
وعليه علامة محفورة.
أنا أعرف العلامة دي كويس.
لأنها كانت علامة شركة المقاولات اللي بنت العمارة.
لكن المشكلة مش هنا.
المشكلة إن العلامة دي كانت محفورة على الإطارات الأصلية اللي
الشركة ركبتها في الشقق الجاهزة.
أما شقتي أنا؟
ما كانش فيها أي إطار أصلًا.
قعدت أبص للصورة وأنا حاسة إن كل حاجة بدأت تركب في دماغي.
اتصلت