حكايات منال على 1
مش من الأكل.
الأكل يتعوض.
لكن من الإحساس إن أي حاجة تحصل في بيتي، لازم أسكت عشان محدش يزعل.
بعد حوالي نص ساعة رجع أحمد.
دخل البيت ووشه متغير.
حسيت على طول إن في حاجة.
قلت له:
— في إيه؟
مردش.
حط الموبايل على الترابيزة وقعد.
قربت منه وقلت:
— أحمد؟
بص لي وقال:
— ماما زعلانة منك.
اتصدمت.
— مني أنا؟ عملت لها إيه؟
قال:
— بتقول إنك من ساعة ما اتجوزنا وإنتِ مش مرتاحة لها.
قلت:
— وإيه علاقة ده بالأكل؟
قال:
— هي فهمت من كلامي إنك بتشكّي فيها.
قلت له:
— إنت كلمتها؟
سكت.
وبعدين قال:
— آه.
أنا حسيت بقلبي وقع.
— وقلت لها إيه؟
قال:
— سألتها لو كانت أخدت الأكل من التلاجة.
غمضت عيني.
كنت عارفة إن الموضوع هيتحول لمشكلة.
وبالفعل…
بعدها بدقايق تليفون أحمد رن.
كانت أمه.
رد عليها على السبيكر من غير ما ياخد باله.
وسمعتها بتقول وهي متعصبة:
— يعني أنا يا أحمد؟! أنا اللي هسرق أكل من بيت ابني؟!
أحمد قال:
— يا ماما محدش قال سرقة.
صرخت:
— أمال ده اسمه إيه؟! مراتك مش واثقة فيا!
أنا وقفت مكاني.
كنت عايزة أقول أي حاجة.
لكن أحمد بص لي بعينين معناهم “اسكتي”.
سكت.
وفجأة سمعت صوت أخته من بعيد بتقول:
— يا ماما، قولي له بقى اللي حصل!
سكتت حماتي ثواني.حكايات_منــال_عـلـي
وبعدين قالت جملة خلتني مش فاهمة أي حاجة:
— أيوه… قولي له. عشان يعرف إن الأكل ما اختفاش زي ما مراته فاكرة.
أحمد قرب من الموبايل وقال:
— يعني إيه؟
حماتي ردت بصوت هادي بشكل غريب:
— الأكل كان موجود يا ابني… بس إحنا ما أخدناهوش.
أنا بصيت لأحمد.
هو كمان بص لي.
سألها:
— أمال مين أخده؟
حماتي سكتت.
وبعدين قالت:
— دي بقى الحاجة اللي كنت مستنية أشوف… هل مراتك هتحكيها لك ولا لأ.
قلبي بدأ يدق بسرعة.
أحمد قال:
— ماما، اتكلمي واضح.
ردت:
— روح افتح درج المطبخ اللي تحت… وهتلاقي حاجة هتعرفك إن الموضوع أكبر من صينية أكل.
