الصندوق
الفصل العاشر
حكايات أسما السيد — حصري
المحامي مسك نص الورقة.
قال:
— من غير الجزء التاني، الورقة مالهاش قيمة كاملة.
قلت:
— مين أخد النص التاني؟
مازن قال:
— غالبًا نفس الشخص اللي فتح الخزنة.
بنت جوزي بصتلي.
وبعدين بصت لأخوها.
الصمت بقى ثقيل.
وفجأة أخوها قال:
— أنا عارف مين.
كلنا بصينا له.
قال:
— قبل وفاة بابا بيومين، شفت أختي داخلة مكتبه بالليل.
بنت جوزي انفجرت:
— إنت بتتهمني؟
قال:
— أنا بقول اللي شفته.
هي قامت.
— أنا دخلت علشان أخد ملف أمي!
قلت:
— ملف إيه؟
سكتت.
المحامي قال:
— قولي كل حاجة.
بدأت تعيط.
وقالت:
— فؤاد كلمني قبل وفاة بابا بأسبوع.
كلنا اتصدمنا.
قالت:
— قاللي إن بابا مخبي عني حقيقة تخص أمي. وإن فيه ملف في مكتبه لو شفته هعرف كل حاجة.
سألتها:
— وإنت دخلتي فعلًا؟
هزت راسها.
— أيوه.
— وخدتي إيه؟
— ملف أمي بس.
المحامي قال:
— والنص التاني من الورقة؟
— ماشفتهوش.
مازن قرب منها.
— فؤاد استغلك.
قالت وهي بتبكي:
— عارفة.
وبعدين طلعت موبايلها.
— بس هو بعتلي حاجة النهارده.
فتحت الرسالة.
كانت صورة.
فيها النص التاني من ورقة إلغاء التوكيل.
وتحتها رسالة:
“لو عايزين الأصل… تعالوا للمكان اللي بدأت فيه القصة.”
المحامي قال:
— يعني إيه المكان اللي بدأت فيه القصة؟
أنا فهمت قبلهم.
قلت:
— الحفل الخيري.
المكان اللي قابلت فيه راسل أول مرة.
روحنا القاعة القديمة.
كانت مقفولة من سنين.
لكن الباب الجانبي كان مفتوح.
دخلنا.
الظلمة كانت مالية المكان.
وفجأة النور اشتغل.
وفؤاد كان واقف على المسرح.
في إيده النص التاني.
قال:
— أخيرًا.
بنت جوزي صرخت:
— إنت دمرت حياتنا ليه؟
ضحك.
— أنا؟
ونزل من على المسرح.
— أبوكم هو اللي دمر حياتي من 30 سنة.
مازن قال:
— إيه اللي بتقوله؟
فؤاد بص له.
— راسل أخد مني الشركة، والاسم، والفلوس… وحتى الست اللي كنت بحبها.
المحامي قال:
— دي قصة قديمة ومابتديكش حق تزور ورق.
فؤاد رفع الورقة.
— أنا مش عايز ورق.
وبصلي أنا.
— أنا عايز الصندوق.
قلت:
— ليه؟
ابتسم.
— لأن راسل حط فيه حاجة مش عارف قيمتها غيري.
بصينا للصندوق اللي كان مع المحامي.
فؤاد قال:
— فيه مفتاح لخزنة خارج البلد.
وسكت.
— والخزنة دي فيها الدليل الوحيد اللي يثبت إن راسل ماكانش صاحب الثروة دي من البداية.
الفصل الحادي عشر
حكايات أسما السيد — حصري
قلت:
— يعني إيه مش صاحب الثروة؟
