ست عجوزه
وأمام آخر علامة مكتوب اسم واحد فقط
اسم زوجها.
العجوز حطت إيدها على فمها، وهمست
مستحيل
الراجل سألها
إيه اللي مستحيل؟
رفعت عينيها عن الورقة وقالت
جوزي ما كانش بيحاول يحميني من اللي جاي
أمال كان بيعمل إيه؟
بصت ناحية الباب، وكأنها خايفة إن حد يكون واقف برّه.
كان بيحاول يمنعهم من الوصول لحد تاني.
وفي نفس اللحظة
جاء صوت خطوات بطيئة من خارج المخزن.
خطوة
ثم خطوة
ثم توقف الصوت تمامًا أمام الباب اتجمدت العجوز مكانها، وأشارت بإيدها للكل يسكت.
الخطوات قربت أكتر
واحد من الرجالة همس
يمكن حد من أهل القرية.
العجوز هزت راسها بسرعة.
لأ أهل القرية بيدخلوا من الباب.
وفجأة
اتفتح باب المخزن ببطء.
لكن مفيش حد واقف وراه!
الهواء البارد دخل للمخزن، وحرك الأوراق المعلقة على الحائط.
الشاب قرب من الباب وبص برّه.
مفيش حد!
العجوز فضلت واقفة مكانها، لكن عينيها كانت مثبتة على الأرض.
قالت
بصوا تحت رجلكم.
الكل بص.
كان فيه طين على أرض المخزن، وفي وسطه آثار أقدام جديدة.
والأغرب
إن الآثار بدأت من الباب، لكنها انتهت فجأة في منتصف المخزن.
كأن صاحبها اختفى.
الراجل مسك الورقة القديمة من على الحائط وقال
لازم نفهم إيه اللي جوزك كان بيخبيه.
العجوز سكتت، وبعد لحظات قالت
قبل ما يموت بأسبوع، إداني مفتاح صغير.
مفتاح إيه؟
وقال لي لو شفت الأوتاد بتاعتي اتكسرت أفتح الصندوق.
الراجل اتوتر.
يعني إنتِ كنتِ عارفة إن الليلة دي هتحصل؟
قالت
كنت مستنياها من سنة.
رجعوا جميعًا لبيت العجوز.
الشاب حمل الصندوق الحديد، وحطوه وسط الصالة.
العجوز طلعت مفتاح صغير من سلسلة كانت معلقة في رقبتها.
وأول ماقربت المفتاح من القفل
سمعوا صوت طرق شديد على باب البيت.
دق دق دق!
الكل سكت.
ثم جاء صوت رجل من الخارج
يا حاجة افتحي.
العجوز وشها اتغير.
الراجل سألها
تعرفي الصوت ده؟
هزت راسها ببطء.
أيوه.
مين؟
بصت ناحية الباب وقالت
ده صوت واحد المفروض إنه مات من سنة.
سكت الجميع.
ثم جاء الطرق مرة أخرى، أقوى من الأول.
دق! دق! دق!
والصندوق الحديد بدأ يهتز وحده فوق الأرض.
العجوز قربت منه، لكن قبل ما تلمسه، ظهر من تحته ظرف ورقي قديم.
كان مكتوب عليه بخط زوجها
لو وصلت للظرف ده يبقى أنا ما متش زي ما الناس فاكرة.
الراجل فتح الظرف بسرعة.
وفي داخله كانت صورة قديمة للقرية
لكن في الصورة كان فيه شخص واقف بجوار زوج العجوز.
