اخو جوزى
نادية ردت بصوت واطي هو فعلًا ما اشتغلش فيها. لكنه قبل ۏفاته بشهور اكتشف تحويلات مالية مش قانونية، وقدم بلاغ سري. والبلاغ اختفى من الملفات بعد مۏته.
سلمى حست إن الأرض بتتحرك من تحت رجليها.
وإيه علاقة بابا بتوقيعي اللي اتزوّر؟
نادية سحبت ورقة تانية من الظرف. والدك كان بيحاول يحميكي من حاجة. الورقة دي بتثبت إنه طلب مراجعة كل الحسابات اللي اتنقلت باسمك، قبل ما أي حد يستخدم توقيعك.
المحامية خدت الورقة وبدأت تقراها بدقة، وبعد دقائق قالت لو الورقة دي أصلية، فهي ممكن تغيّر اتجاه التحقيق كله.
سلمى سألت نادية طب ليه ما اتكلمتيش
4
اخو زوجى
من الأول؟
نادية نزلت عينيها وقالت لأني خفت. بعد ۏفاة والدك، ، وبعدها اتفصلت من شغلي. فضلت ساكتة سنين، لحد ما شوفت اسمك في البلاغ، وفهمت إن اللي حصل زمان بيتكرر معاكي.
سلمى ما ردتش. كانت بتحاول تستوعب إن القضية اللي بدأت بتوقيع مزوّر ممكن تكون مرتبطة بسر قديم أخفاه والدها عنها.
وقبل ما يمشوا، نادية قالت آخر جملة قلبت كل الحسابات
فيه نسخة تانية من الملف الأصلي، لكن مش في الشركة النسخة دي عند شخص إنتِ تعرفيه كويس، ومش هتتوقعي أبدًا إنه لسه محتفظ بيها.
سلمى سألتها بلهفة مين؟
نادية بصت حواليها، وبعدها همست
عمك محمود أخو والدك.
سلمى خرجت من الكافيه وهي مش عارفة تزعل من الماضي ولا تخاف من اللي جاي.
طول الطريق كانت بتفتكر عمها محمود، اللي من يوم ۏفاة والدها وهو رافض يتكلم عن أي حاجة تخص شغله أو حساباته.
ولما وصلت البيت، لقت رسالة منه على تليفونها، رغم إنها ما كلمتوش من شهور
يا سلمى، عرفت إنك فتحتي ملف أبوكي من جديد. لازم نتقابل النهارده. فيه حقيقة لو عرفتيها، هتفهمي ليه أبوكي كان خاېف عليكي.
سلمى قرأت الرسالة مرتين، وبعدها كتبت له
أنا جاية يا عمي، بس المرة دي مش همشي غير لما أعرف الحقيقة كاملة.
لكنها ماكنتش تعرف إن اللقاء ده هيكشف سرًّا عن والدها، وهيغيّر نظرتها لكل اللي حصل من البداية
الفصل الجديد عمها محمود والوصية المخفية
وصلت سلمى بيت عمها محمود قبل المغرب بشوية. البيت كان هادي بشكل غريب، والباب اتفتح بعد ما خبطت مرتين.
عمها وقف قدامها، وبص لها بحزن وقال كنت عارف إن اليوم ده هييجي، بس كنت بتمنى تكوني عرفتي الحقيقة من غير ما تتعبي كل التعب ده.
